OSK Nord er ein russisk operasjonell strategisk kommando som òg er kjent som OSK Nordflåten og OSK Arktisk.[1][2]
I fredstid vil kommandoen etter kvart få status som eit militærdistrikt, men denne nemninga vert sjeldan brukt. Kommandoen har likevel eit militært ansvarsområde austover frå Murmansk oblast og Arkhangelsk oblast til Anadyr[3] med tilhøyrande øyar, mellom andre Novaja Semlja og Frans Josefs land. Vidare har kommandoen ansvar for Komi og Nenetsk. I tillegg skal OSK Nord ha militær infrastruktur på Nysibirøyene, Nadym, Dudinka, Tiksi, Pevek, Providenija, Anadyr, Vrangeløya og Kapp Shmidt.[4]